ფონდი “მოლიერი” არის საქართველოს კანონმდებლობის თანახმად დაფუძნებული ასოციაცია, რომელიც მიზნად ისახავს საქართველოში ფრანგული ენის სწავლებისა და ფრანგულ–ქართული უნივერსიტეტის განვითარების ხელშეწყობას. ფონდს 2012 წლიდან, მისი შექმნიდან მოყოლებული, ხელმძღვანელობს ბატონი ჟაკ ფლორი. თავდაპირველად ქართულ სკოლებში ფრანგული ენის სწავლების ხელშეწყობის მიზნით შექმნილი ფონდის წარმატებამ განაპირობა მისი მისიების გაფართოება, რაც მოიცავს ფრანგულ–ქართული უნივერსიტეტის განვითარების ხელშეწყობას. ფონდის დირექტორთა საბჭო შედგება საქართველოში არსებული ფრანგული დაწესებულებების რამდენიმე წარმომადგენლისგან; მათ შორისაა საფრანგეთის სრულუფლებიანი ელჩი საქართველოში – ბატონი დიეგო კოლასი და კულტურული მრჩეველი – ბატონი პიერ კლუე.

2022 წლის 1 ივლისიდან ფრანგულ-ქართული უნივერსიტეტის ფონდი შეიქმნა ფრანგულ-ქართული უნივერსიტეტის საქმიანობის მხარდასაჭერად. მოლიერის ფონდი აგრძელებს კვლავ აგრძელებს ფუნქციონირებას და მიზნად ისახავს ქართულ სკოლებში ფრანგული ენის სწავლების მხარდაჭერას.