შეხვდი მომავალს

საფრანგეთში ხელმისაწვდომია უმაღლესი განათლების უამრავი სხვადასხვა პროგრამა, რომლებშიც უცხოელ სტუდენტებს შეუძლიათ ჩართვა, განურჩევლად იმისა, იციან მათ ფრანგული ენა, თუ არა. აღმოაჩნე, რომელი ლიცეუმები, უნივერსიტეტები და დიდი სკოლები გელოდება.

დივერსიფიცირებული უმაღლესი განათლების შეთავაზება

line-middle

ფრანგული უმაღლესი განათლება 2.5 მილიონ სტუდენტს მოიცავს. მათი 12% უცხო ქვეყნის მოქალაქეა. ყველა მათგანი იღებს უაღრესად დივერსიფიცირებულ ცოდნას და ჩართულია ყველა სფეროში, თითოეულ დონეზე. საფრანგეთში უმაღლესი განათლების 3,500-ზე მეტი საჯარო და კერძო ინსტიტუცია არსებობს: 72 უნივერსიტეტი, 25 მულტი-ინსტიტუტური კამპუსი, 271 სადოქტორო სკოლა, 227 საინჟინრო სკოლა, რომელსაც აქვს ავტორიზაცია, გასცეს ინჟინრის სტატუსი, 220 ბიზნესისა და მენეჯმენტის სკოლა, 45 ხელოვნების მეორადი განათლების შემდგომი საჯარო სკოლა, 22 არქიტექტურის სკოლა და 3,000 კერძო სკოლა და ინსტიტუტი.

საფრანგეთის 3000 სკოლიდან ზოგიერთს აქვს მოსამზადებელი კურსი დიდებულ სკოლაში ჩასაბარებლად, ე.წ. classes préparatoires (CPGE), სხვებს ორწლიანი ტექნიკური პროგრამები აქვს სახელწოდებით sections de techniciens supérieurs (STS), ან ეროვნული Brevet de technicien supérieur (BTS)-ისთვის მოსამზადებელი გაკვეთილები.

ინგლისურ ენაზე ტარდება 1200 გაკვეთილზე მეტი. გაიგე, კატალოგის რომელი პროგრამებია ინგლისურ ენაზე. ასევეა მოკლე პროგრამები, რომლებიც ფრანგულის შესწავლას მოკლე კულტურული ვიზიტებით სთავაზობენ უცხოელ სტუდენტებს. ეს პროგრამები დეტალურადაა განხილული ჩვენს კატალოგსა და აპლიკაციაში.

ფრანგულ ენაზე სულ უფრო მეტი და მეტი MOOC ხდება ხელმისაწვდომი. აკრონიმი FUNFrance Université Numérique (საფრანგეთის ციფრული უნივერსიტეტი) პირველ ფრანგულ ონლაინ კურსების პლატფორმას აღნიშნავს. აქ თავმოყრილია 300-მდე კურსი, 80-ზე მეტი ინსტიტუტისგან, რომელთაც თითქმის ერთი მილიონი სტუდენტი სწავლობს.